16:00

La grande séduction

[Seducing Doctor Lewis]

Leikstjóri Jean-François Pouliot, franskt tal m/enskum texta, 108 mín.

St. Marie-La-Mauderne er lítið og mjög afskekkt fiskiþorp. Í átta ár hafa íbúar þess, íklæddir bættum peysum og depurð, vikulega staðið í röð og beðið eftir atvinnuleysisbótum. Hugurinn hvarflar til hinna gömlu góðu daga þegar aflinn var nægur, sjómennirnir stoltir og lífið virtist töfrum líkast. Dag einn bankar sáluhjálpin á dyrnar í líki lítils fyrirtækis sem vill reisa verksmiðju á eyjunni, þó með því skilyrði að þar búi læknir í fullu starfi. Sá möguleiki virðist fjarri þar til ungur læknir í Montréal lendir í óheppilegu atviki með umferðarlögreglu og er allt í einu staddur á bát á leið til þorpsins. En hvernig er hægt að sannfæra hinn unga og myndarlega Lewis lækni um að dvelja á þessum eyðilega útkjálka?

18:00

Mémoires affectives

[Looking for Alexander]

Leikstjóri Francis Leclerc, franskt tal m/enskum texta, 100 mín.

Flokkur: Québec.

Alexandre Tourneur, 41 árs, hefur legið lengi í dái eftir slys og verið úrskurðaður látinn þegar hann vaknar úr dáinu. Slysið hefur alvarlegt minnisleysi í för með sér. Á leið sinni til bata hittir hann vini og fjölskyldu og ákveðnar minningar sækja á hann. Undir hinum gleymdu minningum hans liggja endurminningar sem bera vott um fjarlæga og ofbeldisfulla fortíð. Leiðangur Alxeandre í leit að minni sínu leiðir hann til staðar sem hann hafði svarið að snúa aldrei aftur til. Hann uppgötvar loks sannleikann með því að sækja uppruna dularfullra minninga sinna heim.